~~~飲茶小知識---洛神花茶~~~
近日開始又慢慢轉涼，如果而家飲一柸暖笠笠既花茶，幾好呢^^ Cola 呢期都興起飲花茶，張相就係Cola屋企影架喇，佢飲緊呢隻叫洛神花茶，佢話好值得推介比大家。
洛神花係個樣有D似士多啤梨，又有D似玫瑰的植物，沖出黎，顏色酒紅色，飲落味道微酸。飲洛神花茶又有咩好處呢?其實現代研究發現洛神花具有多種營養價 值，含維他命Ａ及C、蛋白質、脂肪、蘋果酸、鐵、鈉、原兒茶酸等等。洛神花不單止可以降低肝功能指數，亦有效降低血液中的三酸甘油酯，可降低壞膽固醇，幫助腸胃消化道吸收、調整女性生理週期，其實洛神花除左可以照顧同調理我地既身體內部之外，仲有美容功效添架 !
研究發現洛神花具有強效的抗氧化能力。 跟據台灣中山醫學大學研究團隊發現，如果我地每日飲200cc洛神花熱飲，一個月後可調降體內血脂濃度；連續飲半年，皮膚既保水性同紅潤度會上升1成5，甚至可以減少皮膚皺紋深度超過5成。
如果大家係買洛神花花茶包既話，其實仲可以外用架，上面提到洛神花含有天然維生素C，可以融化角質、收縮毛孔，令皮膚更加細緻，減少皺紋。 步驟如下：洗面之後，拎一個洛神花花茶包，輕敷面部一分鐘，再用輕柔力道以畫圓方式慢慢推滑，大約7-10下，再以清水洗淨。用呢個方法去角質，既唔會傷 害皮膚，又可以消除堆積的老化角質，一舉幾得。
提提大家，如果你地怕酸，可以係茶入面添加蜂蜜或冰糖，味道更香醇更易入口！
沒有留言:
張貼留言