Aurora 美容小貼士—美白牙齒

夏日炎炎，日日都咁曬，當然要美白啦。為曬黑左嘅皮膚美白同時，有冇諗過皮膚要白之外，都要為牙齒美白埋呢？

注意日常生活飲食嚟改善美白D 靚牙啦~

1.      蘋果
一日一蘋果，醫生遠離我。除左醫生遠離你之外，其實蘋果仲可以幫助牙漬遠離你！爽脆嘅蘋果有豐富嘅水份，幫助增加口水分泌，沖走產生牙垢同令牙齒變黃嘅細菌。

2.      柑橘類嘅水果
柑橘類嘅水果，好似橙、檸檬、菠蘿等，佢地有嘅檸檬酸(citrus acid)係有效嘅牙齒美白劑，佢嘅味道仲可以刺激多D 口水分泌，沖走造成牙垢嘅細菌。而菠蘿入面仲有一種酵素可以去牙漬添。

3.      啤梨

甜甜嘅啤梨喺嘴嚼佢喞同時，可以刺激口水分泌，有效沖走造成牙嘅細菌。

4.      果仁
食杏仁、腰果、合桃等等，咬多兩下嘅同時，仲有助增加口水分泌，沖走細菌。除此之外，有牙醫指出，果仁粗糙嘅表面，仲可以擦走已有既污積添。

5.      高纖嘅蔬菜
高纖及粗糙嘅蔬菜好似廚房嘅百潔布咁，可以幫手擦靚d牙，例如西蘭花同椰菜花，都可以做到呢個效果。深綠色蔬菜仲有豐富嘅鐵質，可以保護牙齒，免受酸性食物傷害琺瑯質添。

6.      冬菇
冬菇有香菇多糖 (lentinan)，可以抑制引致蛀牙及牙變黃嘅細菌誔生。

7.      士多啤梨
士多啤梨嘅羥基丁二酸 (malic acid)會幫助分解及清除牙齒表面嘅污垢。除左食士多啤梨令佢發揮功效之外，仲可以整碎佢加埋發酵粉嚟刷牙去漬。

8.      洋蔥
洋蔥嘅味道雖然會殘留喺個口入面，但係其實佢對d 牙齒都好有益嫁。生洋蔥有一種天然嘅殺菌成份，可以預防牙齒有污漬。洋蔥嘅氣味仲會令人忍唔住擦多次牙。牙漬? no way!

喺美白牙齒嘅同時，緊係要記得避免令牙齒變黃嘅咖啡同茶啦! 仲有仲有，日日早晚刷牙，每年檢查牙齒，咁無論皮膚定牙齒都一樣又白又靚啦~~

最後，當然要LIKE我地FACEBOOK~

咁就可以隨時UPDATE 我地既最新動向啦!